蔡思贝年半冇新剧出街，亲自换厕所板获网民赞叻女

现年34岁嘅蔡思贝（Sisley），2013年参选香港小姐竞选勇夺亚军入行，一出道即备受力捧，入行短短7年凭《踩过界II》“癫姐”赵正妹一角荣升TVB视后宝座，以29岁之龄成为首位“90后”最佳女主角。蔡思贝已经有年半冇新剧出街，鲜有露面嘅佢甚至连社交网站都唔係经常更新。

近日蔡思贝喺社交网站分享换厕所板过程片段，第一次换厕所板嘅佢，扎起头髮及著上小背心，拎起螺丝批、刀及钳子拆去旧厕所板，但之后因有一个位被胶塞阻碍，佢需要手脚并用将胶塞移除，最后成功将新厕板换上，工程大成功。蔡思贝喺PO写上：：“单身女士们可以找我 承接工程 换灯胆 厕所水箱 油漆翻新 家具安装”。

呢个PO一出，唔少网民纷纷留言大讚佢，例如“一个字：好鬼劲揪”、“果然技术超凡，青春活力。”、“厉害 好少女仔识整，仲有係靓嘅女仔更少”、“肯落手落脚整已经抵讚”、“劲呀贝贝”、“好叻女。”、“好犀利，好叻女喎”及“叻过好多男人”等等。另外，亦有网民好挂住佢嘅演出，留言话“好挂住我心目中的最佳女主角的演出…..”及“又厉害又靓女，快点拍剧吧！想看你的剧了！”等等。