滕丽名北上登台唱歌被封“女版陶大宇” 霸气回应：谁怕谁

滕丽名早前北上内地酒吧出骚，台上落力以“港普”演唱任贤齐的著名歌曲《对面的女孩看过来》，唱得非常投入又兴奋，不过惨被网民形容为“魔音”，更被封为“女版陶大宇”，更留言暗寸：“我左砍右砍上砍下砍”、“和陶大宇一样的功力”等，成为网上热话。

滕丽名 在1995年参加第14届新秀歌唱大赛，出道不久便成为了儿歌天后。（梁碧玲摄） 今日（20/3）滕丽名现身将军澳出席无线处境喜剧《爱·回家之开心速递》宣传造势活动，就事件接受《香港01》访问时说：“其实日我系特登去打破陶大宇，因为我要抢佢风头。（网民形容你系魔音！）其实大家将条片啲声音扭大声去听，就会知道啲音响同音乐系点样，就知发生紧咩事。其实我系乜都听唔到，完全冇音乐，同埋佢有捽碟，有推快咗，同推慢咗，我转头望住个位朋友，示意你想快定想慢呢？成件事系好好笑。”

滕丽名今日现身将军澳出席无线处境喜剧《爱·回家之开心速递》宣传造势活动。（梁碧玲摄） 滕丽名续说：“其实陶大宇知我要登台嘅时候，佢私下有俾短讯我，讲啲音响系好正，跟住我说话，咁我真系要试试佢。点知我试完之后，佢就传咗条新闻俾我，跟住我就同佢讲‘我赢你啦’。（难悭你咁用力去唱！）因为我真系听唔到，如果唔系我使乜咁用力啫，我细细声唱歌几咁舒服。（再遇到咁嘅情况点处理？）再嚟啰，惊你呀，谁怕谁，哈哈！”